Lo mesmo que vosotros tenéis nome, tolo que nos arrodia tien nome, ente otres coses los llugares pelos que camináis. Xixón ye una villa que foi creciendo y los llugares que teníen nome por otros motivos tán güei enllenos d'edificios con pisos. Pero esos llugares siguen teniendo'l nome de lo que había ellí va sieglos. Vivís en Montevil, en Contrueces o en Pumarín, pero ¿qué signifiquen esos nomes? Vienen de la Edá Media, y a veces de más atrás nel tiempu.

Estos son los deberes: buscar por qué esos tres barrios se llamen así. Nun ye tan difícil, nun vos preocupéis, podéis consultalo col mayor especialista en toponimia d'Asturies, Xosé Lluís García Arias, que publicó un llibrón que tamién ta colgáu n'Internet. Esautamente equí:

http://mas.lne.es/toponimia/

Esplícame coles tos pallabres por qué'l to barriu y los vecinos se llamen como se llamen.

Comments

Bienveníos a toos. Esti ye’l blog pel que vamos rellacionanos unos con otros. Equí vos voi dexar trabayos y más coses a tolos alumnos d’asturianu del IES Montevil. Serán coses prestoses pa facer.

De momentu vamos estrenar esti blog colos de segundu.

Si miráis esti sitiu (necesita tener instalao Java, si nun lo tenéis va pedívoslo, instaláilo ensin mieu, que nun vos va estrozar l’ordenador)

http://web.educastur.princast.es/proyectos/puertuasturies/index.php?option=com_puarcade&Itemid=1&fid=3&gid=85

Vais topar unos exercicios prestosos sobre la seronda. Nuna parte del xuegu un paisanu mayor diz a unos neños a los que-yos presta la seronda qu’a él nun-y presta. El prósimu día de clase voi entrugavos por qué, pero si dalgún de vosotros se quier adelantar pue facer un comentariu.

Comments